غــزل

أغار عليك من عيونٍ
إذا أصابت أطراف أرجُلكي

فقلبي هُنا في إشتاقٍ و لوعةٍ
يا تُحفة العين يا قمراً يعذبُني

مابين خوفي و اللقاء
ما زلت أرجو الله في دعواتي

قلبي مولعٌ بهواك انتي يا سَما
رُدي علي سؤالي بالحروف و طمنّي

يا سوسن الأزهار يا قطر الندى
حُبي إليك أميـرتي لا ينتهي

كباية شــاي

مدمن هواك و الشاي يعدل الراس
نقعد سوا الاتنين نتقاسم الاحساس
وقت شوفتك تقيف تتلخبط الانفاس
هادية رزينة أصيلة ست الناس

أنسي القديم خلينا في الجاي الحلو
لازم نعيش نبدا الغرام من اولو
نكتب قصص للعاشقين يتأملو
كباية الشاي خلت حواسي اتبهدلو

إشتياق

جَميلة رزينة دي الممشوق قَوامها                
بريد الضَحكة فِيها و في خُدُودها          
بحِب عينيها دي الباهِرني نُورها                  
ما بتشبه البَنوت بي رِقتها و إحسَاسها
الـدّل و الدّلال خلقُوه لِيها بَـراها              
يا نَسمة في حَقل الزُهور يا فَراشة ما أحلاها
يا قَمرة تضوي نِهار و لِيل صُورتِك مُحال أنسَاها
يا فَرحة تملانِي هَنَا و سُرور بالليل دوام بطراها