عيون الريد

و هاك الليل دليل إعجاب‬
نجوم و قمر و وحولو سحاب
نسهر نقرا لينا كتاب
عن الريدة أصول و أسباب
و أسرح في عيونك ديل
تشرح لي نحو و إعراب
و أسافر في درر بسمِك
و في جواي بقول إسمك
مربط بي حبال حِسك
تايه في رياض حُسنك
و أعود بالخصلة دون أسباب
تخونك لحظتها الكلمات
و أسمع في القليب دقات
تحكي البينا في لحظات
لا بكتابة لا همسات
و كانت ليلة ليلية
زادت ساعة رملية
عشان الرحلة دُريّة
دقت نوبة صوفية
و رقصت طفلة نوبية
في أجواء خريفية
زهور ألوانها سحرية
و قليبك كلو حنيّة
معاك الريدة يا سمحة
ملامح لوحة فنيّة